കറുത്ത കറുത്ത നീല നേത്ര.....
(ഭാവ ഗീതം -രചന -ഡോ .എം.എസ് .ശ്രീകുമാർ)
കറുത്ത കറുത്ത നീല നേത്ര കാർകുഴലീ നിന്റെ-
കടുത്ത ചോപ്പു ചേല നീലക്കാർ നിറമാക്കൂ....
വിടർന്നു പൊട്ടിപ്പാറി നിൽക്കും പൊന്നരളീ ഹാസം ,
വിടരാൻ വെമ്പു മാമ്പൽ പുഷ്പ്പ സ്മേരമതാക്കൂ....! (കറുത്ത കറുത്ത...)
മധുരമോലു മാനനത്തെ പാതി താങ്ങിടും ഹസ്ത -
സുകരമാശ്രയം കളഞ്ഞു ലാസ്യ മാർന്നിടൂ ....
തണ്ടുലഞ്ഞ താമര പോൽ തരളമായ ഗാത്രം ,
വണ്ടുവന്നു തേൻ കുടിയ്ക്കും ചെണ്ടുപോലെയാക്കൂ....! (കറുത്ത കറുത്ത...)
നീൾ മയക്കമാർന്നു നില്ക്കും പാദ പത്മമെല്ലാം ,
പൊൻ ചിലങ്ക ചാർത്തി നില്ക്കാൻ വെമ്പലാർന്നിടൂ ....
പൊൻ മഹീരുഹം കണക്കെ നിത്യ ശോഭയേകാൻ ,
നിന്നിലുള്ള നീയറിയാൻ വന്നണഞ്ഞു കാലം ... (കറുത്ത കറുത്ത...)
(Proposed rhythm 8/8- Published on 1-5-2015)
©
All rights owned
and reserved by Dr.M.S.Sreekumar for Sreethaalm home studio,N.Parur,S.India
written on 25-3-`15 (5.45-6.25pm)
